Cockroach Awami Party trend spreading in Pakistan
സോഷ്യൽ മീഡിയ പ്ലാറ്റ്ഫോമുകളിൽ ദശലക്ഷക്കണക്കിന് ഫോളോവേഴ്സുമായി റെക്കോർഡുകൾ ഭേദിച്ച് മുന്നേറുന്ന ഇന്ത്യൻ ഓൺലൈൻ കൂട്ടായ്മയായ ‘കോക്രോച്ച് ജനത പാർട്ടി’ (CJP) യുടെ ജനപ്രീതി അതിർത്തി കടക്കുന്നു. ഇന്ത്യയിലെ സി.ജെ.പി തരംഗത്തിൽ നിന്ന് പ്രചോദനം ഉൾക്കൊണ്ട് പാകിസ്താനിലെ യുവാക്കളും ഇപ്പോൾ ‘കോക്രോച്ച് അവാമി പാർട്ടി’, ‘കോക്രോച്ച് അവാമി ലീഗ്’ എന്നീ പേരുകളിൽ സോഷ്യൽ മീഡിയയിൽ പുതിയ പേജുകൾ ആരംഭിച്ചിരിക്കുകയാണ്. ഇന്ത്യയിൽ സുപ്രീം കോടതി ചീഫ് ജസ്റ്റിസിന്റെ പരാമർശത്തോടുള്ള പ്രതികരണമായി അഭിജീത് ദീപ്കെ മെയ് 16-ന് ആരംഭിച്ച സി.ജെ.പി, ദിവസങ്ങൾക്കകം പ്രമുഖ രാഷ്ട്രീയ പാർട്ടികളുടെ ഔദ്യോഗിക അക്കൗണ്ടുകളെപ്പോലും ഫോളോവേഴ്സിന്റെ എണ്ണത്തിൽ പിന്നിലാക്കിയിരുന്നു. തൊഴിലില്ലാത്തവരുടെയും മടിയന്മാരുടെയും ശബ്ദമായി സ്വയം അടയാളപ്പെടുത്തിയ ഈ കൂട്ടായ്മയ്ക്ക് ഇന്ത്യയിൽ കഴിഞ്ഞ ദിവസം വിലക്കേർപ്പെടുത്തിയിരുന്നു. (Cockroach Awami Party)
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക്
Instagram
സന്ദർശിക്കാം.
ഇന്ത്യൻ പ്രസ്ഥാനത്തിന്റെ അതേ മാതൃകയിലാണ് പാകിസ്താനിലും ഈ അക്കൗണ്ടുകൾ പ്രത്യക്ഷപ്പെട്ടിരിക്കുന്നത്. തങ്ങൾ ഇന്ത്യൻ പ്രസ്ഥാനത്തെ പകർത്തിയതാണെന്നും എന്നാൽ ലക്ഷ്യം ഒന്നാണെന്നും പാക് കോക്രോച്ച് അവാമി പാർട്ടിയുടെ ഇൻസ്റ്റഗ്രാം ബയോയിൽ വ്യക്തമാക്കുന്നുണ്ട്. പാകിസ്താനിലെ പരമ്പരാഗത രാഷ്ട്രീയ പാർട്ടികളായ പിടിഐ, പിഎംഎൽ-എൻ, പിപിപി എന്നിവയ്ക്ക് ബദലായി ജെൻ-സീ (Gen-Z) യുവതലമുറയുടെ യഥാർത്ഥ ശബ്ദമാകാനാണ് ഈ കൂട്ടായ്മ ലക്ഷ്യമിടുന്നത്. ഇന്ത്യയിലെ കോക്രോച്ച് പാർട്ടിക്ക് വ്യക്തമായ സംഘാടകനും മാനിഫെസ്റ്റോയും ഉണ്ടെങ്കിൽ, പാകിസ്താനിലെ പതിപ്പുകൾ പലയിടങ്ങളിലായി ചിതറിക്കിടക്കുന്ന നിലയിലാണ്. യുവാക്കൾക്കിടയിലെ തൊഴിലില്ലായ്മ, ഭരണസംവിധാനങ്ങളോടുള്ള നിരാശ എന്നിവ പരിഹാസത്തിലൂടെയും മീമുകളിലൂടെയും പ്രകടിപ്പിക്കാനാണ് ഇരുരാജ്യങ്ങളിലെയും യുവാക്കൾ കോക്രോച്ചിനെ പ്രതിരോധത്തിന്റെ പ്രതീകമാക്കുന്നത്.
ഇവിടെ കാണുക
About The Author
