Chennithala Formula in UDF cabinet talks
കേരളത്തിൽ യുഡിഎഫ് മന്ത്രിസഭാ രൂപീകരണ ചർച്ചകൾ പുരോഗമിക്കുന്നതിനിടെ മുന്നണിയിൽ സമ്മർദ്ദ തന്ത്രവുമായി മുതിർന്ന കോൺഗ്രസ് നേതാവ് രമേശ് ചെന്നിത്തല. (Chennithala Formula) വി.ഡി. സതീശനെ മുഖ്യമന്ത്രിയായി ഹൈക്കമാൻഡ് നിശ്ചയിച്ചതിന് പിന്നാലെ, മന്ത്രിസഭാ പ്രവേശന കാര്യത്തിലാണ് ചെന്നിത്തല പുതിയ നിലപാട് മുന്നോട്ടുവെച്ചിരിക്കുന്നത്. തന്നോടൊപ്പം ഉറച്ചുനിന്ന മുതിർന്ന എംഎൽഎമാരായ അൻവർ സാദത്ത്, ഐ.സി. ബാലകൃഷ്ണൻ എന്നിവരെക്കൂടി മന്ത്രിസഭയിൽ പരിഗണിക്കണമെന്നാണ് അദ്ദേഹത്തിന്റെ കർശന ആവശ്യം. ഇവരെ അവഗണിച്ചുകൊണ്ട് താൻ മാത്രം മന്ത്രിസ്ഥാനം ഏറ്റെടുക്കാനില്ലെന്ന നിലപാടിലാണ് ചെന്നിത്തല.
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക്
Indian National Congress
സന്ദർശിക്കാം.
മുഖ്യമന്ത്രി പദവിയിലേക്കുള്ള മത്സരത്തിൽ നിന്ന് മാറ്റിനിർത്തപ്പെട്ടതിലുള്ള അതൃപ്തി നിലനിൽക്കെ, ചെന്നിത്തലയുടെ ഈ പുതിയ നീക്കം കോൺഗ്രസ് നേതൃത്വത്തെ വലിയ പ്രതിസന്ധിയിലാക്കിയിട്ടുണ്ട്. ഗ്രൂപ്പ് സമവാക്യങ്ങളും മുതിർന്ന നേതാക്കളുടെ താല്പര്യങ്ങളും സംരക്ഷിച്ച് മുന്നോട്ട് പോകാൻ ഹൈക്കമാൻഡ് ശ്രമിക്കുന്നതിനിടെയാണ് ചെന്നിത്തലയുടെ ഈ പരസ്യമായ ‘ഇടച്ചിൽ’. വിശ്വസ്തരായ എംഎൽഎമാർക്ക് അർഹമായ പരിഗണന ഉറപ്പാക്കിക്കൊണ്ട് പാർട്ടിയിൽ തന്റെ സ്വാധീനശക്തി നിലനിർത്താനുള്ള ചെന്നിത്തലയുടെ നീക്കം വരുംദിവസങ്ങളിലെ മന്ത്രിസഭാ ചർച്ചകളെ കൂടുതൽ സങ്കീർണ്ണമാക്കുമെന്നാണ് രാഷ്ട്രീയ കേന്ദ്രങ്ങൾ വിലയിരുത്തുന്നത്.
ഇവിടെ കാണുക
About The Author
