CBSE Revaluation Portal: പുനർമൂല്യനിർണ്ണയ പോർട്ടൽ...

സിബിഎസ്ഇ പുനർമൂല്യനിർണ്ണയം: പോസ്റ്റ്-റിസൾട്ട് ആക്ടിവിറ്റീസ് പോർട്ടൽ ജൂൺ 1 മുതൽ ലഭ്യമാകും; തീയതി നീട്ടി

വിവാദങ്ങൾക്കു പിന്നാലെ സി.ബി.എസ്.ഇ പന്ത്രണ്ടാം ക്ലാസ് ബോർഡ് പരീക്ഷയുടെ ഉത്തരക്കടലാസ് വെരിഫിക്കേഷനും പുനർമൂല്യനിർണ്ണയത്തിനുമുള്ള പോർട്ടൽ ആരംഭിക്കുന്നത് ജൂൺ ഒന്നിലേക്ക് മാറ്റി. മുൻപ് മേയ് 29-ന് ആരംഭിക്കാൻ തീരുമാനിച്ചിരുന്ന ‘പോസ്റ്റ്-റിസൾട്ട് ആക്ടിവിറ്റീസ്’ പോർട്ടലാണ് സാങ്കേതിക സൗകര്യങ്ങൾ കൂടുതൽ ശക്തമാക്കുന്നതിന്റെ ഭാഗമായി ജൂൺ ഒന്നിലേക്ക് മാറ്റിയതായി സി.ബി.എസ്.ഇ അറിയിച്ചത്. വിദ്യാർത്ഥികൾക്ക് കൂടുതൽ സുതാര്യവും തടസ്സമില്ലാത്തതുമായ സേവനം ഉറപ്പാക്കാനാണ് തീയതി നീട്ടിയതെന്ന് അധികൃതർ വ്യക്തമാക്കി. പരീക്ഷാ ഫലവുമായി ബന്ധപ്പെട്ട് ഉയർന്ന വിവാദങ്ങളുടെ പശ്ചാത്തലത്തിൽ, പുനർമൂല്യനിർണ്ണയത്തിനുള്ള പോർട്ടൽ തുറക്കുന്നത് നീട്ടിയത് വിദ്യാർത്ഥികൾക്കും രക്ഷിതാക്കൾക്കും കൃത്യമായ ആസൂത്രണത്തിന് കൂടുതൽ സമയം നൽകും. ജൂൺ 1 മുതൽ വിദ്യാർത്ഥികൾക്ക് ഔദ്യോഗിക വെബ്‌സൈറ്റ് വഴി അപേക്ഷകൾ സമർപ്പിച്ചു തുടങ്ങാം. (CBSE Revaluation Portal)