Ameer Hamza LeT shooting Lahore attack site emergency response scene
പാക് ഭീകരസംഘടനയായ ലഷ്കറെ തൊയിബയുടെ (LeT) സ്ഥാപക നേതാക്കളിലൊരാളായ അമീർ ഹംസയ്ക്ക് ലാഹോറിൽ വെച്ച് വെടിയേറ്റു. ലാഹോറിലെ ഒരു ന്യൂസ് ചാനൽ ഓഫീസിന് മുന്നിൽ വെച്ച് അജ്ഞാതനായ അക്രമി ഹംസയ്ക്ക് നേരെ വെടിയുതിർക്കുകയായിരുന്നു. ആക്രമണത്തിന് ശേഷം പ്രതി സംഭവസ്ഥലത്തുനിന്ന് രക്ഷപ്പെട്ടു. പരിക്കേറ്റ അമീർ ഹംസയുടെ നില അതീവ ഗുരുതരമായി തുടരുകയാണെന്നാണ് അന്താരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നത്. നേരത്തെ 2024 മെയ് മാസത്തിലും ഇയാൾക്ക് നേരെ വധശ്രമമുണ്ടായതായി സൂചനകളുണ്ടായിരുന്നു. തീവ്രപ്രസംഗങ്ങളിലൂടെയും ലഷ്കറിന്റെ പ്രസിദ്ധീകരണങ്ങളിലൂടെയും കുപ്രസിദ്ധി നേടിയ ഹംസ, സംഘടനയിലേക്ക് ഭീകരരെ റിക്രൂട്ട് ചെയ്യുന്നതിലും ഫണ്ട് ശേഖരണത്തിലും പ്രധാന പങ്കുവഹിച്ചിരുന്ന വ്യക്തിയാണ്. 2018-ൽ ലഷ്കറുമായി അകന്ന ഇയാൾ ‘ജെയ്ഷെ മൻഫാഖ’ എന്ന പേരിൽ പുതിയ സംഘടന രൂപീകരിച്ചിരുന്നു. ജമ്മു കശ്മീർ ഉൾപ്പെടെയുള്ള മേഖലകളിൽ ഭീകരപ്രവർത്തനങ്ങൾ ഏകോപിപ്പിക്കാൻ ഇയാൾ നേതൃത്വം നൽകിയിരുന്നതായി രഹസ്യാന്വേഷണ ഏജൻസികൾ നേരത്തെ കണ്ടെത്തിയിട്ടുണ്ട്. പാകിസ്താനിൽ കഴിഞ്ഞ കുറച്ച് മാസങ്ങളായി ഇന്ത്യ തിരയുന്ന ഭീകരർ അജ്ഞാതരാൽ കൊല്ലപ്പെടുന്ന സംഭവങ്ങളുടെ തുടർച്ചയാണോ ഇതെന്ന് അന്താരാഷ്ട്ര തലത്തിൽ ചർച്ചകൾ ആരംഭിച്ചിട്ടുണ്ട്.
Read more Kerala news updates on Media7.
https://www.instagram.com/p/DXL88GkDg6s/?utm_source=ig_web_copy_link&igsh=MzRlODBiNWFlZA==
United Nations Counter-Terrorism official page
About The Author
