Priyadarshini Free Travel Scheme for women passengers in KSRTC buses with government financial support
Priyadarshini Free Travel Scheme നടപ്പാക്കിയതിന് ശേഷം സ്ത്രീ യാത്രക്കാരുടെ എണ്ണം ഗണ്യമായി ഉയർന്ന സാഹചര്യത്തിൽ പദ്ധതിയുടെ സാമ്പത്തിക വശങ്ങൾ വീണ്ടും ശ്രദ്ധ നേടുകയാണ്. കെഎസ്ആർടിസിയുടെ ധനപ്രതിസന്ധി പരിഹരിക്കാൻ സർക്കാർ പുതിയ ധനസഹായ മാർഗങ്ങൾ പരിഗണിക്കുന്നതായി വ്യക്തമാക്കിയിട്ടുണ്ട്.
സ്ത്രീകളുടെ യാത്രാ പദ്ധതിക്ക് സാമ്പത്തിക പിന്തുണ | Priyadarshini Free Travel Scheme
#KSRTC #PriyadarshiniScheme #FreeTravelForWomen #KeralaGovernment #KFC #CPJohn #PublicTransport #KeralaNews #BreakingNews
കെഎസ്ആർടിസിയുടെ സ്ത്രീകളുടെ സൗജന്യ യാത്രാ പദ്ധതിയായ ‘പ്രിയദർശിനി’യുമായി ബന്ധപ്പെട്ട സാമ്പത്തിക പ്രതിസന്ധികൾക്ക് പരിഹാരമാകുന്നു. പദ്ധതി നടപ്പിലാക്കുന്നതു വഴി കെഎസ്ആർടിസിക്ക് ഉണ്ടാകുന്ന വരുമാന നഷ്ടം നികത്തുന്നതിനായി കേരള ഫിനാൻഷ്യൽ കോർപ്പറേഷൻ (കെഎഫ്സി) വഴി ഓവർ ഡ്രാഫ്റ്റ് നൽകാൻ സർക്കാർ തീരുമാനിച്ചു. ആറുമാസത്തെ കാലാവധിയിൽ സർക്കാർ ഗ്യാരന്റിയിലാണ് ഈ ഓവർ ഡ്രാഫ്റ്റ് അനുവദിക്കുന്നത്. പ്രിയദർശിനി പദ്ധതി പ്രാബല്യത്തിൽ വന്നതോടെ കെഎസ്ആർടിസി ബസുകളിൽ സ്ത്രീ യാത്രക്കാരുടെ എണ്ണത്തിൽ വൻ വർദ്ധനവാണ് ഉണ്ടായിരിക്കുന്നത്. മുൻപ് പ്രതിദിനം 10 ലക്ഷം സ്ത്രീകൾ യാത്ര ചെയ്തിരുന്ന സ്ഥാനത്ത് നിലവിൽ അത് 15 ലക്ഷമായി ഉയർന്നു എന്ന് ഗതാഗത മന്ത്രി സി.പി ജോൺ വ്യക്തമാക്കി.
യാത്രക്കാരുടെ എണ്ണം വർദ്ധിച്ചതോടെ കെഎസ്ആർടിസിക്ക് പ്രതിദിനം ശരാശരി രണ്ടര കോടിയോളം രൂപയുടെ വരുമാന നഷ്ടം അഥവാ ബാദ്ധ്യത ഉണ്ടാകുന്നുണ്ടെന്നാണ് കണ്ടെത്തൽ. എങ്കിലും, ദിവസേന ഏഴ് കോടിയിലധികം രൂപ സാധാരണക്കാരായ സ്ത്രീകളുടെ കൈകളിലേക്ക് നേരിട്ട് എത്തിക്കാൻ ഈ പദ്ധതിയിലൂടെ സാധിക്കുന്നുണ്ടെന്നാണ് സർക്കാരിന്റെ വിലയിരുത്തൽ. ബജറ്റിൽ 600 കോടി രൂപയാണ് പ്രിയദർശിനി പദ്ധതിക്കായി വകയിരുത്തിയിരിക്കുന്നത്. ഇതിനൊപ്പം കാൽനട യാത്രക്കാരുടെ സുരക്ഷയ്ക്ക് പ്രാധാന്യം നൽകിക്കൊണ്ട് സംസ്ഥാനത്ത് സമഗ്രമായ ഒരു പുതിയ ഗതാഗത നയം രൂപീകരിക്കാൻ സർക്കാർ ആലോചിക്കുന്നുണ്ട്. പദ്ധതിയുടെ ഭാഗമായി തിരുവനന്തപുരം ജില്ലയിൽ ഫാസ്റ്റ് പാസഞ്ചറുകൾ മാത്രമുള്ള റൂട്ടുകളിൽ സ്ത്രീകൾക്കായി കൂടുതൽ ഓർഡിനറി ബസുകൾ അനുവദിക്കാനും ഗതാഗത വകുപ്പ് തീരുമാനിച്ചിട്ടുണ്ട്.
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക് KSRTC സന്ദർശിക്കാം.
വാർത്തകൾ ഇനി ഇൻസ്റ്റഗ്രാമിലും, ക്ലിക്ക് ചെയ്യുക
കൂടുതൽ വാർത്തകൾക്ക് Media7News സന്ദർശിക്കൂ
About The Author
