Ayodhya Fund Scam investigation involving former trust secretary Champat Rai
Ayodhya Fund Scam കേസിലെ അന്വേഷണ പുരോഗതി ദേശീയതലത്തിൽ ശ്രദ്ധ നേടുകയാണ്. ക്ഷേത്ര ഫണ്ടുമായി ബന്ധപ്പെട്ട സാമ്പത്തിക ക്രമക്കേടുകളെക്കുറിച്ചുള്ള അന്വേഷണം പുതിയ ഘട്ടത്തിലേക്ക് കടന്നതായാണ് റിപ്പോർട്ടുകൾ സൂചിപ്പിക്കുന്നത്.
ക്ഷേത്ര ഫണ്ട് അന്വേഷണത്തിലെ പുതിയ വഴിത്തിരിവ് | Ayodhya Fund Scam
#Ayodhya #RamMandir #ChampatRai #SITInvestigation #FundScam #VHP #AyodhyaNews #CrimeNews #NationalNews
അയോദ്ധ്യ ശ്രീരാമക്ഷേത്രത്തിലെ കോടികളുടെ ഫണ്ട് തട്ടിപ്പ് കേസുമായി ബന്ധപ്പെട്ട് ശ്രീരാമജന്മഭൂമി തീർത്ഥക്ഷേത്ര ട്രസ്റ്റ് മുൻ ജനറൽ സെക്രട്ടറിയും വി.എച്ച്.പി ഉപാദ്ധ്യക്ഷനുമായ ചമ്പത് റായിയെ പ്രത്യേക അന്വേഷണ സംഘം (SIT) ചോദ്യം ചെയ്തു. ക്ഷേത്രത്തിലെ സംഭാവന ക്രമക്കേടുകളെക്കുറിച്ച് വ്യക്തമായ വിവരങ്ങൾ ഉണ്ടായിരുന്നിട്ടും ചമ്പത് റായ് മനഃപൂർവ്വം മൗനം പാലിച്ചെന്നാണ് എസ്.ഐ.റ്റിയുടെ കണ്ടെത്തൽ. ജൂൺ നാലിന് ക്ഷേത്രത്തിലെ പണം എണ്ണുന്ന മുറിയിലെ ശുചിമുറിയിൽ നിന്ന് ഉപേക്ഷിക്കപ്പെട്ട നിലയിൽ നോട്ടുകെട്ടുകൾ കണ്ടെത്തുകയും, കൗണ്ടിംഗ് റൂം ജീവനക്കാരന്റെ വീട്ടിൽ നിന്ന് ബാഗിൽ നിറച്ച പണം പിടിച്ചെടുക്കുകയും ചെയ്ത സംഭവങ്ങളിലൊന്നും ട്രസ്റ്റ് ഭാരവാഹിയെന്ന നിലയിൽ ചമ്പത് റായ് നടപടിയെടുത്തിരുന്നില്ല. കേസിൽ ചമ്പത് റായിയെ വീണ്ടും ചോദ്യം ചെയ്യുമെന്നും അദ്ദേഹത്തിന്റെ അറസ്റ്റ് ഉടൻ ഉണ്ടായേക്കുമെന്നുമാണ് സൂചനകൾ.
ക്ഷേത്രത്തിലെ കാണിക്കപ്പെട്ടികളുടെയും പണം എണ്ണുന്ന മുറിയുടെയും ചുമതലയുണ്ടായിരുന്ന ചമ്പത് റായിയുടെ വിശ്വസ്തനും ഡ്രൈവറുമായ ടിനു യാദവ് ഉൾപ്പെടെ എട്ട് പേർ ഇതിനകം കേസിൽ അറസ്റ്റിലായിട്ടുണ്ട്. ടിനു യാദവിന്റെ വീട്ടിൽ നിന്ന് കോടിക്കണക്കിന് രൂപയുടെ സ്വർണാഭരണങ്ങളും അന്വേഷണസംഘം കണ്ടെടുത്തിരുന്നു. ഏകദേശം 200 കോടി രൂപയുടെ തട്ടിപ്പ് നടന്നതായി കണക്കാക്കപ്പെടുന്ന കേസിൽ, പ്രതിപക്ഷത്തിന്റെ ശക്തമായ വിമർശനങ്ങളെ തുടർന്ന് കൂടുതൽ സംഘപരിവാർ നേതാക്കളെയും അന്വേഷണ പരിധിയിൽ ഉൾപ്പെടുത്താനാണ് എസ്.ഐ.റ്റിയുടെ നീക്കം. ഇതിന്റെ ഭാഗമായി പ്രതികളുടെ വീടുകളിൽ കഴിഞ്ഞ ദിവസം വ്യാപക പരിശോധന നടന്നു. അതിനിടെ, നിലവിൽ അയോദ്ധ്യയിലുള്ള ചമ്പത് റായ് ഡൽഹിയിലേക്ക് താമസം മാറ്റാൻ ഒരുങ്ങുന്നതായും റിപ്പോർട്ടുകളുണ്ട്.
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക് Shri Ram Janmabhoomi Teerth Kshetra Trust സന്ദർശിക്കാം.
വാർത്തകൾ ഇനി ഇൻസ്റ്റഗ്രാമിലും, ക്ലിക്ക് ചെയ്യുക
കൂടുതൽ വാർത്തകൾക്ക് Media7News സന്ദർശിക്കൂ
About The Author
