Great Nicobar Project environmental concerns
കേന്ദ്ര സർക്കാർ നടപ്പിലാക്കാൻ ഒരുങ്ങുന്ന ഗ്രേറ്റ് നികോബാർ പദ്ധതി വലിയ രീതിയിലുള്ള പാരിസ്ഥിതിക ആഘാതങ്ങൾക്ക് കാരണമാകുമെന്ന് കോൺഗ്രസ് ജനറൽ സെക്രട്ടറി ജയറാം രമേഷ്. പദ്ധതി വരുത്തിവെക്കുന്ന പ്രത്യാഘാതങ്ങൾ അക്കമിട്ടു നിരത്തിക്കൊണ്ട് അദ്ദേഹം പ്രതിരോധമന്ത്രി രാജ്നാഥ് സിങ്ങിന് കത്തയച്ചു. രാജ്യത്തിന്റെ പ്രതിരോധ ശേഷി ശക്തിപ്പെടുത്തേണ്ടതിന്റെ ആവശ്യകതയിൽ ആർക്കും തർക്കമില്ലെന്നും എന്നാൽ പരിസ്ഥിതി നാശം കുറയ്ക്കാൻ സാധിക്കുന്ന മറ്റ് ബദൽ മാർഗങ്ങൾ സർക്കാർ ആലോചിക്കണമെന്നും അദ്ദേഹം കത്തിൽ ആവശ്യപ്പെട്ടു. ഇതിനായി കാംപ്ബെൽ ബേയിലുള്ള ഐ.എൻ.എസ്. ബാസിന്റെ റൺവേ നീളം കൂട്ടുക, നാവിക ജെട്ടി നിർമ്മിക്കുക തുടങ്ങിയ പദ്ധതികൾക്ക് വർഷങ്ങളായി അനുമതി ലഭിച്ചിട്ടില്ലെന്ന കാര്യം അദ്ദേഹം ഓർമ്മിപ്പിച്ചു. ഇത്തരം വികസനങ്ങൾക്ക് പാരിസ്ഥിതികാഘാതം വളരെ കുറവായിരിക്കുമെന്നും ജയറാം രമേഷ് ചൂണ്ടിക്കാണിക്കുന്നു. (Great Nicobar Project)
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക്
Indian National Congress
സന്ദർശിക്കാം.
ഗ്രേറ്റ് നികോബാർ പദ്ധതിയുടെ ഭാഗമായി നിർമ്മിക്കാൻ ഉദ്ദേശിക്കുന്ന ട്രാൻസ്ഷിപ്മെന്റ് തുറമുഖവും ടൗൺഷിപ്പും രാജ്യത്തിന്റെ സൈനിക ശേഷിയെ ഒരു തരത്തിലും വർദ്ധിപ്പിക്കില്ലെന്നും സുരക്ഷാ കാരണങ്ങൾ ചൂണ്ടിക്കാട്ടി ഈ വിനാശകരമായ പദ്ധതിയെ ന്യായീകരിക്കുകയാണെന്നും അദ്ദേഹം കുറ്റപ്പെടുത്തി. കാർ നികോബാർ വ്യോമസേനാ നിലയം ഉൾപ്പെടെയുള്ള മറ്റ് സൈനിക കേന്ദ്രങ്ങൾ പരിസ്ഥിതിക്ക് കോട്ടം തട്ടാതെ വികസിപ്പിക്കാൻ സാധിക്കുമെന്നിരിക്കെയാണ് ഇത്തരം നീക്കങ്ങൾ നടക്കുന്നത്. ഈ പദ്ധതിക്ക് ലഭിച്ച പരിസ്ഥിതി അനുമതികൾ ‘സംശയാസ്പദമാണ്’ എന്നും, വനാവകാശ നിയമപ്രകാരം അവിടുത്തെ ആദിവാസി സമൂഹങ്ങൾക്ക് ലഭിക്കേണ്ട അവകാശങ്ങൾ പൂർണ്ണമായി ലംഘിക്കപ്പെട്ടതായും ജയറാം രമേഷ് മുൻപ് കേന്ദ്ര പരിസ്ഥിതി മന്ത്രിക്കയച്ച കത്തിലും വ്യക്തമാക്കിയിരുന്നു.
ഇവിടെ കാണുക
About The Author
