Ban NEET Demand: നീറ്റ് ഒഴിവാക്കണമെന്ന് കേന്ദ്രത്തോട്..

നീറ്റ് പരീക്ഷ പൂർണമായും നിർത്തലാക്കണം; കേന്ദ്രത്തോട് കർശന നിലപാടുമായി തമിഴ്‌നാട് മുഖ്യമന്ത്രി വിജയ്!

നീറ്റ് പരീക്ഷയിലെ തുടർച്ചയായ ചോദ്യപേപ്പർ ചോർച്ചയും ക്രമക്കേടുകളും ചൂണ്ടിക്കാട്ടി പരീക്ഷ പൂർണമായും നിർത്തലാക്കണമെന്ന് തമിഴ്‌നാട് മുഖ്യമന്ത്രി വിജയ് ആവശ്യപ്പെട്ടു. (Ban NEET Demand) ദേശീയതലത്തിൽ ഇത്തരം പരീക്ഷകൾ നടത്തുന്നതിലെ ഘടനാപരമായ പിഴവുകൾക്ക് തെളിവാണ് നിലവിലെ സംഭവങ്ങളെന്നും പരീക്ഷയുടെ വിശ്വാസ്യത പൂർണ്ണമായും തകർന്നെന്നും അദ്ദേഹം വ്യക്തമാക്കി. നീറ്റിന് പകരം പ്ലസ്ടു മാർക്കിന്റെ അടിസ്ഥാനത്തിൽ മെഡിക്കൽ പ്രവേശനം നടത്താൻ സംസ്ഥാനങ്ങളെ അനുവദിക്കണമെന്ന് വിജയ് കേന്ദ്ര സർക്കാരിനോട് ആവശ്യപ്പെട്ടു. പണക്കാരായ വിദ്യാർത്ഥികൾക്കും ഇംഗ്ലീഷ് മീഡിയം പശ്ചാത്തലമുള്ളവർക്കും മാത്രം ഗുണകരമാകുന്ന രീതിയിലാണ് നീറ്റ് വിഭാവനം ചെയ്തിരിക്കുന്നത്. ഗ്രാമീണ മേഖലയിലുള്ളവർക്കും സർക്കാർ സ്കൂളുകളിൽ പഠിക്കുന്നവർക്കും ഈ പരീക്ഷ വലിയ തിരിച്ചടിയാണെന്നും, ഇതിൽ നിന്ന് തമിഴ്‌നാടിന് ഇളവ് നൽകണമെന്നും അദ്ദേഹം കൂട്ടിച്ചേർത്തു.