Maharashtra Plane Crash: പരിശീലന വിമാനം തകർന്നു...

മഹാരാഷ്ട്രയിൽ പരിശീലന വിമാനം തകർന്നു വീണു; ട്രെയിനി പൈലറ്റ് അത്ഭുതകരമായി രക്ഷപ്പെട്ടു

മഹാരാഷ്ട്രയിലെ പൂനെ ജില്ലയിലുള്ള ബാരാമതി വിമാനത്താവളത്തിന് സമീപം പരിശീലന വിമാനം തകർന്നു വീണു. (Maharashtra Plane Crash) സ്വകാര്യ ഏവിയേഷൻ അക്കാദമിയുടെ ഉടമസ്ഥതയിലുള്ള വിമാനമാണ് അപകടത്തിൽപ്പെട്ടത്. അപകടസമയത്ത് വിമാനത്തിലുണ്ടായിരുന്ന ട്രെയിനി പൈലറ്റ് നിസാര പരിക്കുകളോടെ അത്ഭുതകരമായി രക്ഷപ്പെട്ടു. സാങ്കേതിക തകരാറാണ് അപകടത്തിന് കാരണമെന്നാണ് പ്രാഥമിക നിഗമനം. വിമാനം തകർന്ന് കൃഷിയിടത്തിലേക്കാണ് വീണത്. സംഭവത്തെക്കുറിച്ച് ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ (DGCA) അന്വേഷണം പ്രഖ്യാപിച്ചു. പൈലറ്റിനെ ഉടൻ തന്നെ അടുത്തുള്ള ആശുപത്രിയിൽ പ്രവേശിപ്പിച്ചു. അപകടത്തിന്റെ കൂടുതൽ വിവരങ്ങൾക്കായി അധികൃതർ പരിശോധന നടത്തിവരികയാണ്.