KSU protest at Kannur police cooperative recruitment exam
കണ്ണൂർ: കണ്ണൂർ ജില്ലാ പൊലീസ് സഹകരണ സംഘത്തിലെ പ്യൂൺ, നൈറ്റ് വാച്ച്മാൻ തസ്തികകളിലേക്ക് നടത്തിയ നിയമന പരീക്ഷയിൽ വൻ ക്രമക്കേട് ആരോപിച്ചു കെഎസ്യു പ്രവർത്തകർ പരീക്ഷാ ഹാൾ തടഞ്ഞു. പരീക്ഷാ വിജ്ഞാപനം കൃത്യമായി നൽകിയില്ലെന്നും അപേക്ഷിച്ച പല ഉദ്യോഗാർത്ഥികൾക്കും ഹാൾ ടിക്കറ്റ് ലഭിച്ചില്ലെന്നും ആരോപിച്ചായിരുന്നു പ്രതിഷേധം. പരീക്ഷാ ഹാളിനുള്ളിലേക്ക് അതിക്രമിച്ചു കയറിയ പ്രവർത്തകർ ചോദ്യപേപ്പറുകളും ഉദ്യോഗാർത്ഥികളുടെ ഹാൾ ടിക്കറ്റുകളും പിടിച്ചുവാങ്ങി കീറിയെറിഞ്ഞത് വലിയ സംഘർഷത്തിന് കാരണമായി. ഇൻവിജിലേറ്റർമാരും സൊസൈറ്റി അധികൃതരും കെഎസ്യു പ്രവർത്തകരും തമ്മിൽ ഉന്തും തള്ളും ഉണ്ടായതോടെ പരീക്ഷാ നടപടികൾ പൂർണ്ണമായും തടസ്സപ്പെട്ടു.
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക്
കേരള സർക്കാർ
സന്ദർശിക്കാം.
പിൻവാതിൽ നിയമനത്തിനുള്ള ശ്രമമാണ് സൊസൈറ്റി അധികൃതർ നടത്തുന്നതെന്ന് കെഎസ്യു ജില്ലാ നേതൃത്വം ആരോപിച്ചു. എന്നാൽ, അപേക്ഷിച്ച എല്ലാവർക്കും ഹാൾ ടിക്കറ്റുകൾ തപാൽ മാർഗ്ഗം അയച്ചിട്ടുണ്ടെന്നും യാതൊരു വിധ ക്രമക്കേടുകളും നടന്നിട്ടില്ലെന്നും സൊസൈറ്റി അധികൃതർ വിശദീകരിച്ചു. അതിനിടെ, തങ്ങളുടെ ഹാൾ ടിക്കറ്റുകൾ കീറിയെറിഞ്ഞ കെഎസ്യു പ്രവർത്തകർക്കെതിരെ നടപടി ആവശ്യപ്പെട്ട് ഒരു വിഭാഗം ഉദ്യോഗാർത്ഥികൾ സിറ്റി പൊലീസ് കമ്മീഷണർക്ക് പരാതി നൽകി.
ഇവിടെ കാണുക
സംഭവമറിഞ്ഞു നിയുക്ത കണ്ണൂർ എംഎൽഎ ടി.ഒ. മോഹനൻ സ്ഥലത്തെത്തി സൊസൈറ്റി അധികൃതരുമായി ചർച്ച നടത്തി. പ്രതിഷേധം ശക്തമായതിനെ തുടർന്ന് ഇന്ന് നടത്താനിരുന്ന പരീക്ഷകൾ മറ്റൊരു ദിവസത്തേക്ക് മാറ്റിവെച്ചതായി ജോയിന്റ് രജിസ്ട്രാർ അറിയിച്ചു. സംഘർഷ സാധ്യത കണക്കിലെടുത്തു സ്ഥലത്ത് കൂടുതൽ പൊലീസിനെ വിന്യസിച്ചിട്ടുണ്ട്.
About The Author
