Drishya Murder Accused Held
പെരിന്തൽമണ്ണയിൽ പ്രണയാഭ്യർഥന നിരസിച്ചതിനെത്തുടർന്ന് ദൃശ്യ (21) എന്ന പെൺകുട്ടിയെ ക്രൂരമായി കൊലപ്പെടുത്തിയ കേസിലെ പ്രതി വിനീഷ് മുംബൈയിൽ പിടിയിൽ. കോഴിക്കോട് കുതിരവട്ടം മാനസികാരോഗ്യ കേന്ദ്രത്തിലെ ശുചിമുറിയുടെ ചുമർ തുരന്ന് 2025 ഡിസംബർ അവസാനത്തോടെ രക്ഷപ്പെട്ട ഇയാൾക്കായി പ്രത്യേക അന്വേഷണ സംഘം മാസങ്ങളായി തിരച്ചിൽ നടത്തിവരികയായിരുന്നു. മുംബൈയിലെ വിവിധയിടങ്ങളിൽ ഒളിവിൽ താമസിച്ച് ജോലി ചെയ്തുവരികയായിരുന്ന വിനീഷ്, നാട്ടിലെ ഒരു ബന്ധുവുമായി ബന്ധപ്പെടാൻ ശ്രമിച്ചതാണ് നിർണ്ണായകമായത്. ഇയാളുടെ ടവർ ലൊക്കേഷൻ കേന്ദ്രീകരിച്ച് നടത്തിയ അന്വേഷണമാണ് ഒടുവിൽ അറസ്റ്റിൽ കലാശിച്ചത്. 2021-ൽ ദൃശ്യയുടെ പിതാവിന്റെ സ്ഥാപനത്തിന് തീയിട്ട ശേഷമായിരുന്നു വിനീഷ് പെൺകുട്ടിയെ കുത്തിക്കൊലപ്പെടുത്തിയത്. കണ്ണൂർ സെൻട്രൽ ജയിലിൽ റിമാൻഡിലായിരുന്ന പ്രതിയെ മാനസികാസ്വാസ്ഥ്യത്തെത്തുടർന്ന് 2022-ലാണ് കുതിരവട്ടം മാനസികാരോഗ്യ കേന്ദ്രത്തിലേക്ക് മാറ്റിയത്. മുൻപും ഇയാൾ ഇവിടെനിന്ന് ചാടിപ്പോകാൻ ശ്രമിച്ചിട്ടുണ്ട്. പിടികൂടിയ പ്രതിയെ അടുത്ത ദിവസം നാട്ടിലെത്തിക്കും.
About The Author
