TVK NEET Demand by Tamilaga Vettri Kazhagam on medical education
TVK NEET Demand ദേശീയ വിദ്യാഭ്യാസ നയവുമായി ബന്ധപ്പെട്ട ചർച്ചകൾക്കിടെ വീണ്ടും ശ്രദ്ധ നേടുകയാണ്. മെഡിക്കൽ പ്രവേശന പരീക്ഷയും സംസ്ഥാനങ്ങളുടെ അധികാരവും സംബന്ധിച്ച പാർട്ടിയുടെ പുതിയ നിലപാടാണ് രാഷ്ട്രീയ ചർച്ചകൾക്ക് വഴിവെച്ചിരിക്കുന്നത്.
നീറ്റ് പരീക്ഷയും സംസ്ഥാനങ്ങളുടെ അധികാരവും | TVK NEET Demand
#TVK #ThalapathyVijay #NEETExam #TamilNaduPolitics #DMK #MedicalEducation #ConcurrentList #StudentProtest #DelhiProtest #PoliticalNews
നീറ്റ് പരീക്ഷ പൂർണമായും റദ്ദാക്കണമെന്ന ആവശ്യവുമായി നടൻ വിജയ് നേതൃത്വം നൽകുന്ന തമിഴക വെട്രി കഴകം (ടി.വി.കെ.) രംഗത്ത്. നീറ്റ് പരീക്ഷയിലെ ക്രമക്കേടുകളെ മാത്രമല്ല തങ്ങൾ എതിർക്കുന്നതെന്നും മെഡിക്കൽ വിദ്യാഭ്യാസവുമായി ബന്ധപ്പെട്ട കാര്യങ്ങളിൽ സംസ്ഥാനങ്ങൾക്ക് പൂർണ അധികാരം നൽകണമെന്നും ടി.വി.കെ. ആവശ്യപ്പെട്ടു. ഡൽഹിയിൽ നീറ്റിനെതിരായ വിദ്യാർത്ഥി പ്രതിഷേധങ്ങൾക്കിടയിലാണ് പാർട്ടി തങ്ങളുടെ നിലപാട് വ്യക്തമാക്കിയത്.
വിദ്യാഭ്യാസത്തെ പാർലമെന്റിനും സംസ്ഥാനങ്ങൾക്കും അധികാരമുള്ള കൺകറന്റ് ലിസ്റ്റിൽ നിന്ന് മാറ്റണമെന്ന ശക്തമായ ആവശ്യവും ടി.വി.കെ. ഉന്നയിച്ചിട്ടുണ്ട്. നിയമപരമായ തടസ്സങ്ങളുണ്ടെങ്കിൽ ഇടക്കാലത്തേക്ക് ഒരു ‘സ്പെഷ്യൽ കൺകറന്റ് ലിസ്റ്റ്’ സൃഷ്ടിക്കണമെന്നും പാർട്ടി നിർദ്ദേശിച്ചു. ഇക്കാര്യത്തിൽ പാർട്ടി അധ്യക്ഷൻ സി. ജോസഫ് വിജയ് മുൻപ് തന്നെ നിലപാട് വ്യക്തമാക്കയിട്ടുള്ളതാണെന്ന് ടി.വി.കെ. നേതൃത്വം ചൂണ്ടിക്കാട്ടി.
അതേസമയം, ഭരണകക്ഷിയായ ഡി.എം.കെയെ പേര് പരാമർശിക്കാതെ ടി.വി.കെ. രൂക്ഷമായി വിമർശിച്ചു. ‘ഞങ്ങൾ നീറ്റ് റദ്ദാക്കും’ എന്നതുപോലുള്ള വ്യാജ വാഗ്ദാനങ്ങൾ നൽകി വോട്ട് നേടുന്ന വഞ്ചനാപരമായ രാഷ്ട്രീയം ഒരിക്കലും തങ്ങൾ സ്വീകരിക്കില്ലെന്ന് പാർട്ടി വ്യക്തമാക്കി. 2021 ലെ നിയമസഭാ തിരഞ്ഞെടുപ്പിന് മുന്നോടിയായി അധികാരത്തിൽ വന്നാൽ ഒറ്റയടിക്ക് നീറ്റ് നിർത്തലാക്കുമെന്ന് ഡി.എം.കെ. വാഗ്ദാനം ചെയ്തിരുന്നു. ഇതിനെതിരെയാണ് ടി.വി.കെയുടെ പരോക്ഷ വിമർശനം.
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക് Ministry of Education, Government of India സന്ദർശിക്കാം.
വാർത്തകൾ ഇനി ഇൻസ്റ്റഗ്രാമിലും, ക്ലിക്ക് ചെയ്യുക
കൂടുതൽ വാർത്തകൾക്ക് Media7News സന്ദർശിക്കൂ
About The Author
