Cherthala Bridge Collapse on newly constructed national highway overbridge in Alappuzha
Cherthala Bridge Collapse സംബന്ധിച്ച സംഭവം സംസ്ഥാനത്ത് വലിയ ചർച്ചയ്ക്ക് വഴിവെച്ചിരിക്കുകയാണ്. പുതുതായി നിർമ്മിച്ച ദേശീയപാത മേൽപ്പാലത്തിൽ ഉണ്ടായ താഴ്ചയും തുടർന്ന് ഉയർന്ന പ്രതിഷേധങ്ങളും വിഷയത്തെ കൂടുതൽ ഗൗരവത്തിലാക്കിയിട്ടുണ്ട്.
ദേശീയപാത മേൽപ്പാലത്തിലെ താഴ്ചയിൽ അന്വേഷണം ആവശ്യപ്പെട്ട് പ്രതിഷേധം | Cherthala Bridge Collapse
#CherthalaNews #NationalHighway #BridgeCollapse #AlappuzhaNews #RoadSafety #Protest #KeralaNews #NHAI
ചേർത്തലയിൽ നിർമാണം പൂർത്തിയായ ദേശീയപാത മേൽപ്പാലത്തിന്റെ റോഡ് നാല് മീറ്ററോളം ആഴത്തിൽ ഭീതിദമായ രീതിയിൽ ഇടിഞ്ഞുതാഴ്ന്നു. ഇന്നലെ യാത്രക്കാരുടെ ശ്രദ്ധയിൽപ്പെട്ട ഈ വൻ ഗർത്തം വൻ അപകടങ്ങൾ ക്ഷണിച്ചുവരുത്തുന്നതായിരുന്നു. എന്നാൽ സംഭവം വിവാദമായതോടെ, ഇന്ന് പുലർച്ചെ ആരും അറിയാതെ കരാറുകാരെക്കൊണ്ട് താൽക്കാലികമായി കോൺക്രീറ്റിട്ട് ഈ ഭാഗം മറയ്ക്കാനുള്ള ശ്രമമാണ് നടന്നത്. റോഡ് നിർമാണത്തിനായി കായലിലെ എക്കൽ മണ്ണാണ് ഉപയോഗിച്ചതെന്നും ഇത് പുറത്തറിയാതിരിക്കാനാണ് അടിയന്തരമായി കോൺക്രീറ്റ് ചെയ്ത് കുഴി മൂടിയതെന്നും ആരോപിച്ച് കോൺഗ്രസ് നേതാക്കളും പൊതുപ്രവർത്തകരും സ്ഥലത്ത് കടുത്ത പ്രതിഷേധത്തിലാണ്. മണിക്കൂറുകൾ കഴിഞ്ഞിട്ടും ദേശീയപാതാ അതോറിറ്റി (NHAI) അധികൃതർ സ്ഥലത്തെത്തി ശാസ്ത്രീയ പരിശോധന നടത്താൻ തയാറാകാത്തത് പ്രതിഷേധക്കാരുടെ അമർഷം ഇരട്ടിയാക്കിയിട്ടുണ്ട്.
ജില്ലാ കളക്ടറുടെ അടിയന്തര നിർദേശപ്രകാരം സംസ്ഥാന പൊതുമരാമത്ത് വകുപ്പിന്റെയും (PWD) ജല അതോറിറ്റിയുടെയും ഉദ്യോഗസ്ഥർ സ്ഥലത്തെത്തി നിലവിൽ പരിശോധന നടത്തുന്നുണ്ട്. റോഡിനടിയിലൂടെ പോകുന്ന വാട്ടർ അതോറിറ്റിയുടെ പൈപ്പ് നേരത്തെ പൊട്ടിയിരുന്നതായും, ഇതേത്തുടർന്ന് മണ്ണൊലിച്ച് പോയതാകാം ഗർത്തത്തിന് കാരണമെന്നുമാണ് ഉദ്യോഗസ്ഥരുടെ പ്രാഥമിക നിഗമനം. എന്നാൽ പൊട്ടിയ പൈപ്പ് നേരത്തെ തന്നെ മാറ്റിസ്ഥാപിച്ചിരുന്നുവെന്നും, നിർമാണത്തിലെ അപാകതയാണ് റോഡ് ഇടിയാൻ കാരണമെന്നുമാണ് നാട്ടുകാർ പറയുന്നത്. ഇന്നലെ രാത്രി ബൈക്ക് യാത്രക്കാരനായ ഒരാളാണ് ഭാഗ്യം കൊണ്ട് ഈ കുഴി കണ്ട് പോലീസിനെ വിവരമറിയിച്ചത്. യാത്രക്കാരുടെ ജീവന് ഭീഷണിയാകുംവിധം അശാസ്ത്രീയമായി റോഡ് നിർമിച്ചവർക്കെതിരെ കർശന നടപടി വേണമെന്നാണ് നാട്ടുകാരുടെ ആവശ്യം.
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക് National Highways Authority of India (NHAI) സന്ദർശിക്കാം.
വാർത്തകൾ ഇനി ഇൻസ്റ്റഗ്രാമിലും, ക്ലിക്ക് ചെയ്യുക
കൂടുതൽ വാർത്തകൾക്ക് Media7News സന്ദർശിക്കൂ
About The Author
