V D Satheesan CM Buzz
കേരളത്തിന്റെ അടുത്ത മുഖ്യമന്ത്രിയായി വി.ഡി സതീശൻ വരണമെന്നത് തന്റെ വ്യക്തിപരമായ ആഗ്രഹമാണെന്നും എന്നാൽ അന്തിമ തീരുമാനം എടുക്കേണ്ടത് പാർട്ടി ഹൈക്കമാൻഡാണെന്നും മുഹമ്മദ് ഷിയാസ് പറഞ്ഞു. വി.ഡി സതീശന്റെ നേതൃപാടവത്തെയും കഠിനാധ്വാനത്തെയും പ്രകീർത്തിച്ച ഷിയാസ്, അദ്ദേഹം 24 മണിക്കൂറും പ്രവർത്തിക്കുന്ന നേതാവാണെന്ന് വിശേഷിപ്പിച്ചു. കഴിഞ്ഞ അഞ്ചുവർഷം പ്രതിപക്ഷ നേതാവ് എന്ന നിലയിൽ സതീശൻ നടത്തിയ മികച്ച പ്രകടനം യു.ഡി.എഫിന് വലിയ കരുത്തായെന്നും, ജനങ്ങൾ മാറ്റം ആഗ്രഹിക്കുന്നുണ്ടെന്നും അദ്ദേഹം കൂട്ടിച്ചേർത്തു. കൊച്ചി മണ്ഡലത്തിലെ തിരഞ്ഞെടുപ്പ് പ്രചാരണവേളയിൽ വി.ഡി സതീശൻ നേരിട്ടെത്തി ഷിയാസിന് പിന്തുണ പ്രഖ്യാപിച്ചിരുന്നു. ഇതിന് പിന്നാലെയാണ് സതീശനെ മുഖ്യമന്ത്രി സ്ഥാനത്തേക്ക് ഉയർത്തിക്കാട്ടുന്ന തരത്തിലുള്ള ഷിയാസിന്റെ പ്രതികരണം പുറത്തുവന്നത്. കോൺഗ്രസിനുള്ളിൽ മുഖ്യമന്ത്രി സ്ഥാനത്തെച്ചൊല്ലിയുള്ള ചർച്ചകൾ സജീവമാക്കുന്നതാണ് ഷിയാസിന്റെ ഈ പരാമർശം.
About The Author
