Actor Krishna Kumar NFDC Big Win
പ്രമുഖ സിനിമാ താരം കൃഷ്ണകുമാറിനെ നാഷണൽ ഫിലിം ഡെവലപ്മെന്റ് കോർപ്പറേഷന്റെ (NFDC) പാർട്ട് ടൈം ചെയർമാനായി കേന്ദ്ര സർക്കാർ നിയമിച്ചു. രാഷ്ട്രപതിയുടെ അംഗീകാരത്തോടെ പുറത്തിറക്കിയ ഉത്തരവ് പ്രകാരം മൂന്ന് വർഷത്തേക്കാണ് നിയമനം. എൻഎഫ്ഡിസിയുടെ നോൺ ഒഫീഷ്യൽ ഡയറക്ടറായും അദ്ദേഹത്തെ നിയമിച്ചിട്ടുണ്ട്. നിലവിൽ ബിജെപി ദേശീയ കൗൺസിൽ അംഗമായ കൃഷ്ണകുമാറിന്, സിനിമ-സാംസ്കാരിക മേഖലയിലെ പ്രവർത്തനങ്ങൾ മുൻനിർത്തിയാണ് ഈ വലിയ ഉത്തരവാദിത്തം ലഭിച്ചിരിക്കുന്നത്.
ഇന്ത്യൻ സിനിമാ നയങ്ങളും വികസന പ്രവർത്തനങ്ങളും ഏകോപിപ്പിക്കുന്നതിൽ നിർണ്ണായക പങ്കുവഹിക്കുന്ന സ്ഥാപനമാണ് എൻഎഫ്ഡിസി. ചലച്ചിത്ര നിർമ്മാണം, വിതരണം, അന്താരാഷ്ട്ര ചലച്ചിത്ര മേളകളുടെ (IFFI) സംഘാടനം തുടങ്ങിയവ എൻഎഫ്ഡിസിയുടെ ചുമതലകളാണ്. ദൂരദർശനിൽ വാർത്താ അവതാരകനായി കരിയർ തുടങ്ങി പിന്നീട് സിനിമാ-സീരിയൽ രംഗത്ത് സജീവമായ കൃഷ്ണകുമാറിന്റെ ഈ പുതിയ പദവി, അദ്ദേഹത്തിന്റെ രാഷ്ട്രീയ-കലാ ജീവിതത്തിലെ പ്രധാന നേട്ടമായാണ് വിലയിരുത്തപ്പെടുന്നത്. കേരള നിയമസഭാ തിരഞ്ഞെടുപ്പിന്റെ പശ്ചാത്തലത്തിൽ വന്ന ഈ നിയമനം രാഷ്ട്രീയ കേന്ദ്രങ്ങളിലും വലിയ ചർച്ചയായിട്ടുണ്ട്.
About The Author
