Gujarat Titans Win IPL Thriller
ഐപിഎൽ 2026-ൽ വീണ്ടും ഒരു ലാസ്റ്റ് ബോൾ ത്രില്ലർ. അവസാന പന്തുവരെ ആവേശം നിറഞ്ഞ പോരാട്ടത്തിൽ ഡൽഹി ക്യാപിറ്റൽസിനെ ഒരു റണ്ണിന് തോൽപ്പിച്ച് ഗുജറാത്ത് ടൈറ്റൻസ് അവിശ്വസനീയ വിജയം സ്വന്തമാക്കി. ഗുജറാത്ത് ഉയർത്തിയ വിജയലക്ഷ്യം പിന്തുടർന്ന ഡൽഹിക്ക് നിശ്ചിത ഓവറിൽ ലക്ഷ്യത്തിന് തൊട്ടരികിൽ കാലിടറുകയായിരുന്നു. ഡേവിഡ് മില്ലറുടെയും കെ.എൽ രാഹുലിന്റെയും തകർപ്പൻ പ്രകടനങ്ങൾക്കും ഡൽഹിയെ വിജയത്തിലെത്തിക്കാനായില്ല.
അവസാന ഓവറിൽ ജയിക്കാൻ 16 റൺസ് വേണമെന്നിരിക്കെ, ക്രീസിലുണ്ടായിരുന്ന മില്ലറും രാഹുലും പരമാവധി ശ്രമിച്ചെങ്കിലും ഗുജറാത്ത് ബൗളർമാരുടെ കൃത്യതയാർന്ന പന്തുകൾ കളി അവർക്ക് അനുകൂലമാക്കി. അവസാന പന്തിൽ രണ്ട് റൺസ് വേണമെന്നിരിക്കെ ഡൽഹിക്ക് ഒരു റൺസ് മാത്രമേ എടുക്കാനായുള്ളൂ. ഗുജറാത്തിന്റെ കൃത്യതയാർന്ന ഫീൽഡിംഗും സമ്മർദ്ദഘട്ടത്തിലെ ബൗളിംഗുമാണ് മത്സരത്തിൽ നിർണ്ണായകമായത്. ഈ വിജയത്തോടെ പോയിന്റ് പട്ടികയിൽ ഗുജറാത്ത് ടൈറ്റൻസ് തങ്ങളുടെ നില മെച്ചപ്പെടുത്തിയപ്പോൾ, കൈപ്പിടിയിലൊതുക്കാവുന്ന മത്സരം നഷ്ടപ്പെടുത്തിയത് ഡൽഹി ക്യാപിറ്റൽസിന് വലിയ തിരിച്ചടിയായി
About The Author
