Tamil Nadu AC Buses policy aimed at improving public transport comfort
Tamil Nadu AC Buses സംബന്ധിച്ച പുതിയ പ്രഖ്യാപനം സംസ്ഥാനത്തെ പൊതുഗതാഗത മേഖലയിലെ ശ്രദ്ധേയമായ നയമാറ്റമായാണ് വിലയിരുത്തപ്പെടുന്നത്. യാത്രക്കാരുടെ സൗകര്യം വർധിപ്പിക്കാൻ ലക്ഷ്യമിട്ടുള്ള തീരുമാനങ്ങൾ ഗതാഗത രംഗത്ത് വലിയ ചർച്ചകൾക്ക് വഴിവെച്ചിരിക്കുകയാണ്.
പൊതുഗതാഗത രംഗത്ത് പുതിയ ദിശ | Tamil Nadu AC Buses
#TamilNaduNews #CMVijay #ACBuses #TamilNaduTransport #VijayTamizhanParthiban #PublicTransport #BreakingNews #MalayalamNews
തമിഴ്നാട് ഗതാഗത വകുപ്പിൽ വിപ്ലവകരമായ മാറ്റങ്ങൾ പ്രഖ്യാപിച്ച് സർക്കാർ. തമിഴ്നാട് സർക്കാർ ഇനിമുതൽ എസി ബസുകൾ മാത്രമേ വാങ്ങുകയുള്ളൂവെന്ന് ഗതാഗത മന്ത്രി വിജയ് തമിഴൻ പാർത്ഥിപൻ വ്യക്തമാക്കി. തമിഴ്നാട്ടിലെ സാധാരണക്കാരായ ജനങ്ങൾ എസി ബസുകളിൽ സുഖകരമായി യാത്ര ചെയ്യണമെന്നാണ് മുഖ്യമന്ത്രി വിജയ്യുടെ ആഗ്രഹമെന്നും, ഇതിന്റെ ഭാഗമായാണ് ഈ നിർണ്ണായക തീരുമാനമെന്നും മന്ത്രി കൂട്ടിച്ചേർത്തു. സേലത്തുനടന്ന ഒരു ഔദ്യോഗിക സർക്കാർ പരിപാടിയിൽ സംസാരിക്കുകയായിരുന്നു അദ്ദേഹം. തമിഴ്നാട്ടിലെ എല്ലാ ഉൾഗ്രാമങ്ങളിലും മികച്ച രീതിയിലുള്ള ബസ് സർവീസുകൾ ലഭ്യമാക്കണമെന്നും, താനുൾപ്പെടെയുള്ള എല്ലാ പൗരന്മാർക്കും യാത്ര ചെയ്യാനുള്ള എല്ലാവിധ അത്യാധുനിക സംവിധാനങ്ങളും ബസുകളിൽ ഒരുക്കണമെന്നും മുഖ്യമന്ത്രി നിർദ്ദേശിച്ചതായി ഗതാഗത മന്ത്രി വെളിപ്പെടുത്തി.
മുഖ്യമന്ത്രി വിജയ് അടുത്തിടെ ഒരു സർക്കാർ ബസിൽ നേരിട്ട് യാത്ര ചെയ്തപ്പോഴാണ് സംസ്ഥാനത്തെ എല്ലാ ബസുകളിലും എസി സംവിധാനം വേണമെന്ന ആഗ്രഹമുണ്ടായതെന്നും മന്ത്രി ചൂണ്ടിക്കാട്ടി. കഴിഞ്ഞയാഴ്ചയാണ് 127.21 കോടി രൂപ ചെലവഴിച്ച് തമിഴ്നാട് സർക്കാർ വാങ്ങിയ 300 പുതിയ ബസുകളുടെ ഫ്ലാഗ് ഓഫ് കർമ്മം മുഖ്യമന്ത്രി വിജയ് നിർവ്വഹിച്ചത്. ഇതിൽ 164 ഡീസൽ ബസുകളും 130 സിഎൻജി ബസുകളും ഉൾപ്പെടുന്നു. ഉദ്ഘാടനത്തിന് ശേഷം മുഖ്യമന്ത്രി തന്നെ നേരിട്ട് ബസിൽ സഞ്ചരിക്കുകയും ബസ് ജീവനക്കാരോടും യാത്രക്കാരോടും സംവദിക്കുകയും ചെയ്തിരുന്നു. ഇതിന്റെ ദൃശ്യങ്ങൾ സോഷ്യൽ മീഡിയയിൽ വലിയ രീതിയിൽ തരംഗമായിരുന്നു. ഇതിന് പിന്നാലെയാണ് സംസ്ഥാനത്തെ പൊതുഗതാഗത സംവിധാനം പൂർണ്ണമായും എയർകണ്ടീഷൻഡ് ആക്കാനുള്ള സർക്കാരിന്റെ പുതിയ പ്രഖ്യാപനം പുറത്തുവരുന്നത്.
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക് Government of Tamil Nadu സന്ദർശിക്കാം.
വാർത്തകൾ ഇനി ഇൻസ്റ്റഗ്രാമിലും, ക്ലിക്ക് ചെയ്യുക
കൂടുതൽ വാർത്തകൾക്ക് Media7News സന്ദർശിക്കൂ
About The Author
