Venezuela Twin Earthquake damage reported in Caracas after powerful back-to-back quakes
Venezuela Twin Earthquake ലോകത്തിന്റെ വിവിധ ഭാഗങ്ങളിൽ ഭൂചലന ആശങ്കകൾ ഉയർത്തുന്നതിനിടെ വെനസ്വേലയിൽ റിപ്പോർട്ട് ചെയ്ത ശക്തമായ ഇരട്ട ഭൂകമ്പം വ്യാപക ശ്രദ്ധ നേടിയിരിക്കുകയാണ്.
വെനസ്വേലയിൽ വൻ നാശനഷ്ടങ്ങൾ റിപ്പോർട്ട്; Venezuela Twin Earthquake ആശങ്ക വർധിപ്പിക്കുന്നു
വെനസ്വേലയിൽ ഒരു നൂറ്റാണ്ടിനിടയിലെ ഏറ്റവും ശക്തമായ ഇരട്ട ഭൂചലനം. വടക്കൻ-മധ്യ വെനസ്വേലയിലെ തീരദേശ നഗരമായ മൊറോൺ കേന്ദ്രീകരിച്ച് ഒരു മിനിറ്റിനുള്ളിലാണ് തുടർച്ചയായി രണ്ട് ശക്തമായ ഭൂചലനങ്ങൾ ഉണ്ടായത്. യുഎസ് ജിയോളജിക്കൽ സർവേയുടെ (USGS) കണക്കുകൾ പ്രകാരം ആദ്യത്തേത് 7.2 തീവ്രതയും, തൊട്ടുപിന്നാലെ വെറും 39 സെക്കൻഡുകൾക്കുള്ളിൽ ഉണ്ടായ രണ്ടാമത്തെ ഭൂചലനം 7.5 തീവ്രതയുമാണ് രേഖപ്പെടുത്തിയത്. ഭൂകമ്പത്തിന്റെ ആഘാതത്തിൽ തലസ്ഥാനമായ കാരക്കാസിൽ നിരവധി പാർപ്പിട-വാണിജ്യ കെട്ടിടങ്ങളുടെ ചുവരുകൾ തകരുകയും വലിയ നാശനഷ്ടങ്ങൾ സംഭവിക്കുകയും ചെയ്തു. ഇതേത്തുടർന്ന് രാജ്യം അതീവ ജാഗ്രതയിലാണ്.
ഭൂകമ്പത്തെ തുടർന്ന് കാരക്കാസിലെ പ്രധാന വിമാനത്താവളമായ സിമോൺ ബൊളീവർ അന്താരാഷ്ട്ര വിമാനത്താവളം താൽക്കാലികമായി അടച്ചുപൂട്ടി. രാജ്യമൊട്ടാകെയുള്ള സ്കൂളുകൾക്കും വിദ്യാഭ്യാസ സ്ഥാപനങ്ങൾക്കും സർക്കാർ അവധി പ്രഖ്യാപിച്ചിട്ടുണ്ട്. പ്രദേശത്ത് രക്ഷാപ്രവർത്തനത്തിനായി പ്രത്യേക ടാസ്ക് ഫോഴ്സിനെ വിന്യസിച്ചതായി താൽക്കാലിക പ്രസിഡന്റ് ഡെൽസി റോഡ്രിഗസ് അറിയിച്ചു. ഭൂചലനത്തെ തുടർന്ന് പ്യൂർട്ടോ റിക്കോ, വിർജിൻ ഐലൻഡ്സ് എന്നിവിടങ്ങളിൽ പ്രഖ്യാപിച്ചിരുന്ന സുനാമി മുന്നറിയിപ്പുകൾ പിന്നീട് പിൻവലിച്ചു. വെനസ്വേലയ്ക്ക് പുറമെ പസഫിക് മേഖലയിലെ ജപ്പാനിലും വിവിധയിടങ്ങളിൽ ഭൂചലനം അനുഭവപ്പെട്ടതായാണ് റിപ്പോർട്ടുകൾ വ്യക്തമാക്കുന്നത്.
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക് US Geological Survey (USGS) സന്ദർശിക്കാം.
വാർത്തകൾ ഇനി ഇൻസ്റ്റഗ്രാമിലും, ക്ലിക്ക് ചെയ്യുക
കൂടുതൽ വാർത്തകൾക്ക് Media7News സന്ദർശിക്കൂ
About The Author
