Congo Ebola alert airport screening
ഡെമോക്രാറ്റിക് റിപ്പബ്ലിക് ഓഫ് കോംഗോയിൽ (DR Congo) എബോള വൈറസ് വ്യാപനം അതിരൂക്ഷമാകുന്ന പശ്ചാത്തലത്തിൽ ഇന്ത്യയിലും പ്രതിരോധ മാർഗങ്ങൾ ശക്തമാക്കി (Congo Ebola Alert). നിലവിൽ രാജ്യത്ത് എബോള കേസുകളൊന്നും റിപ്പോർട്ട് ചെയ്തിട്ടില്ലെങ്കിലും മുൻകരുതലിന്റെ ഭാഗമായി വിമാനത്താവളങ്ങളിൽ കർശന നിരീക്ഷണം ഏർപ്പെടുത്തിയിട്ടുണ്ട്. ഡി.ആർ. കോംഗോ, ഉഗാണ്ട, ദക്ഷിണ സുഡാൻ തുടങ്ങിയ എബോള ബാധിത രാജ്യങ്ങളിൽ നിന്ന് വരുന്നവരും അവിടങ്ങളിലൂടെ യാത്ര ചെയ്തവരും കടുത്ത ജാഗ്രത പാലിക്കണം. പനി, ഛർദ്ദി, തലവേദന, അകാരണമായ രക്തസ്രാവം തുടങ്ങിയ ലക്ഷണങ്ങളുള്ളവരോ രോഗബാധിതരുമായി സമ്പർക്കത്തിൽ വന്നവരോ ഇമിഗ്രേഷൻ ക്ലിയറൻസിന് മുൻപ് എയർപോർട്ട് ഹെൽത്ത് ഓഫീസർമാരെ വിവരം അറിയിക്കണമെന്ന് ആരോഗ്യ മന്ത്രാലയം നിർദേശിച്ചു. ഈ രാജ്യങ്ങളിലേക്കുള്ള അനാവശ്യ യാത്രകൾ ഒഴിവാക്കണമെന്നും മുന്നറിയിപ്പുണ്ട്.
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക്
World Health Organization
സന്ദർശിക്കാം.
അതിനിടെ, കോംഗോയിലെ എബോള ബാധിതരുടെ എണ്ണം വൻതോതിൽ ഉയരുന്നതായി ലോകാരോഗ്യ സംഘടനയും (WHO) യുഎസ് സിഡിസിയും (CDC) വ്യക്തമാക്കി. നിലവിൽ രോഗം ബാധിച്ചെന്ന് സംശയിക്കുന്നവരുടെ എണ്ണം 900 കടന്നു; 101 കേസുകൾ ഔദ്യോഗികമായി സ്ഥിരീകരിച്ചു. രോഗവ്യാപനം മൂലം മരണപ്പെട്ടവരെന്ന് സംശയിക്കുന്നവരുടെ എണ്ണം 119 ആയി ഉയർന്നിട്ടുണ്ട്. കോംഗോയിലെ ഇട്ടൂരി, നോർഡ്-കിവു പ്രവിശ്യകളിൽ നിന്ന് സൗത് കിവുവിലേക്ക് കൂടി രോഗം പടർന്നതോടെ ദേശീയ തലത്തിലെ അപകടസാധ്യത വളരെ ഉയർന്നതാണെന്ന് ലോകാരോഗ്യ സംഘടന ഡയറക്ടർ ജനറൽ ഡോ. ടെഡ്രോസ് അഥനോം ഗെബ്രിയേസുസ് അറിയിച്ചു.
ഇവിടെ കാണുക
About The Author
