Periya murder parole controversy in Kerala
കേരളത്തിൽ വലിയ രാഷ്ട്രീയ ചർച്ചകൾക്ക് വഴിവെച്ച കാസർകോട് പെരിയ ഇരട്ടക്കൊലക്കേസിലെ പ്രതികൾക്ക് സംസ്ഥാന സർക്കാർ വീണ്ടും പരോൾ അനുവദിച്ചു. കേസിലെ പത്താം പ്രതിയായ രഞ്ജിത്തിനാണ് ഇപ്പോൾ 15 ദിവസത്തെ പരോൾ അനുവദിച്ചിരിക്കുന്നത്. രണ്ട് മാസം മുമ്പ് ഇയാൾക്ക് പരോൾ ലഭിച്ചിരുന്നു എന്നതും ശ്രദ്ധേയമാണ്. നിലവിൽ കേസിലെ ഒന്നാം പ്രതി എ. പീതാംബരൻ, അഞ്ചാം പ്രതി ഗിജിൻ എന്നിവരും പരോളിലിറങ്ങി പുറത്താണുള്ളത്. ജയിൽ ചട്ടപ്രകാരമുള്ള സ്വാഭാവിക നടപടി മാത്രമാണിതെന്നാണ് ജയിൽ അധികൃതരുടെ വിശദീകരണമെങ്കിലും, പ്രതികൾക്ക് തുടർച്ചയായി പരോൾ അനുവദിക്കുന്നത് വലിയ രാഷ്ട്രീയ വിവാദങ്ങൾക്ക് കാരണമായിട്ടുണ്ട്. (Periya Murder Parole)
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക്
Kerala Prisons Department
സന്ദർശിക്കാം.
പ്രതികൾ പുറത്തിറങ്ങുന്നത് പ്രദേശത്ത് വലിയ ക്രമസമാധാന പ്രശ്നങ്ങൾക്ക് കാരണമാകുമെന്ന ബേക്കൽ പൊലീസിന്റെ രഹസ്യാന്വേഷണ റിപ്പോർട്ട് മറികടന്നാണ് ജയിൽ ഉപദേശക സമിതി പരോൾ അനുവദിച്ചിരിക്കുന്നത്. കൊല്ലപ്പെട്ട യൂത്ത് കോൺഗ്രസ് പ്രവർത്തകരായ കൃപേഷിന്റെയും ശരത് ലാലിന്റെയും കുടുംബങ്ങൾ താമസിക്കുന്ന ബേക്കൽ പൊലീസ് സ്റ്റേഷൻ പരിധിയിൽ പ്രവേശിക്കരുത് എന്ന കർശന ഉപാധിയോടെയാണ് പ്രതികൾക്ക് വീട് സന്ദർശിക്കാനും തങ്ങാനും അനുമതി നൽകിയിട്ടുള്ളത്. എന്നാൽ പ്രതികളെ കൂട്ടത്തോടെ പരോളിലിറക്കി പുറത്തെത്തിക്കാൻ സർക്കാർ ബോധപൂർവ്വമായ നീക്കം നടത്തുകയാണെന്ന് കോൺഗ്രസ് നേതൃത്വം ആരോപിച്ചു. 2019 ഫെബ്രുവരി 17-നാണ് കല്യോട്ട് വച്ച് സി.പി.എം പ്രവർത്തകർ കൃപേഷിനെയും ശരത് ലാലിനെയും വെട്ടിക്കൊലപ്പെടുത്തിയത്. ഈ കേസിൽ പ്രതികളായ 10 പേർക്ക് സി.ബി.ഐ പ്രത്യേക കോടതി ഇരട്ട ജീവപര്യന്തം തടവുശിക്ഷ വിധിച്ചിരുന്നു.
ഇവിടെ കാണുക
About The Author
