Asha Bhosle Funeral Today
ഇന്ത്യൻ ചലച്ചിത്ര സംഗീത ലോകത്തെ വിസ്മയിപ്പിച്ച ഇതിഹാസ ഗായിക ആശാ ഭോസ്ലെയുടെ സംസ്കാര ചടങ്ങുകൾ ഇന്ന് മുംബൈയിൽ നടക്കും. മുംബൈ ലോവർ പരേലിലെ വസതിയിൽ രാവിലെ 11 മണി മുതൽ വൈകിട്ട് 3 മണി വരെ ഭൗതികദേഹം പൊതുദർശനത്തിന് വയ്ക്കുന്നതാണ്. സംഗീത-സിനിമ-രാഷ്ട്രീയ മേഖലകളിലെ പ്രമുഖർ ആദരാഞ്ജലികൾ അർപ്പിക്കാൻ എത്തുന്നതിനായി വിപുലമായ ക്രമീകരണങ്ങളാണ് ഏർപ്പെടുത്തിയിരിക്കുന്നത്. തുടർന്ന് വൈകിട്ട് 4 മണിക്ക് മുംബൈ ശിവാജി പാർക്ക് ശ്മശാനത്തിൽ സംസ്ഥാന സർക്കാരിന്റെ പൂർണ്ണ ഔദ്യോഗിക ബഹുമതികളോടെ സംസ്കാര ചടങ്ങുകൾ നടക്കും. പതിറ്റാണ്ടുകളോളം ആയിരക്കണക്കിന് ഗാനങ്ങളിലൂടെ ഇന്ത്യൻ ജനതയെ ആനന്ദിപ്പിച്ച ആ സ്വരമാധുരിക്ക് വിട നൽകാൻ രാജ്യം വിതുമ്പലോടെ കാത്തിരിക്കുകയാണ്.
About The Author
