Big Ticket Winners
അബുദാബി ബിഗ് ടിക്കറ്റ് സീരീസ് 285-ൽ ഇന്ത്യൻ പ്രവാസികൾക്ക് വൻ നേട്ടം. മലയാളി ഉൾപ്പെടെ അഞ്ച് ഇന്ത്യക്കാരാണ് ഇത്തവണത്തെ സ്വർണ്ണക്കട്ടി സമ്മാനത്തിന് അർഹരായത്. ഓരോരുത്തർക്കും 200 ഗ്രാം സ്വർണ്ണക്കട്ടിയാണ് സമ്മാനമായി ലഭിക്കുക. സൗദി അറേബ്യയിൽ 23 വർഷമായി പ്രവാസിയായ തെലങ്കാന സ്വദേശി മുഹമ്മദ് തസീം, തമിഴ്നാട് സ്വദേശി കാർത്തിക് കുമാർ, അബുദാബിയിൽ താമസിക്കുന്ന സോളമൻ രാജ, ഷാർജ മലയാളിയായ രാജഗോപാൽ ചന്ദ്രൻ, ബിഹാർ സ്വദേശിയായ മുഹമ്മദ് ഷഖിൽ എന്നിവരാണ് വിജയികൾ. ഇന്ത്യയിലായിരുന്ന സമയത്താണ് മുഹമ്മദ് തസീം താൻ വിജയിയായ വാർത്ത ലൈവ് സ്ട്രീമിലൂടെ അറിഞ്ഞത്. പൈലറ്റാകാൻ പഠിക്കുന്ന മകന്റെ വിദ്യാഭ്യാസ ആവശ്യങ്ങൾക്കായി ഈ തുക വിനിയോഗിക്കുമെന്ന് അദ്ദേഹം പറഞ്ഞു.മറ്റ് വിജയികളും വലിയ ആവേശത്തിലാണ് ഈ വാർത്തയോട് പ്രതികരിച്ചത്. അഞ്ച് സുഹൃത്തുക്കൾക്കൊപ്പം ചേർന്ന് ടിക്കറ്റെടുത്ത കാർത്തിക് കുമാർ ആറ് വർഷത്തെ കാത്തിരിപ്പിന് ശേഷമാണ് വിജയിയാകുന്നത്. പത്ത് വർഷമായി ബിഗ് ടിക്കറ്റിൽ പങ്കെടുക്കുന്ന സോളമൻ രാജ സ്വർണ്ണക്കട്ടി പണമാക്കി മാറ്റാനാണ് ആഗ്രഹിക്കുന്നത്. 25 പേരുടെ വലിയൊരു സംഘത്തോടൊപ്പമാണ് മലയാളി വിജയിയായ രാജഗോപാൽ ചന്ദ്രൻ ടിക്കറ്റെടുത്തത്. അബുദാബിയിൽ സെയിൽസ്മാനായി ജോലി ചെയ്യുന്ന മുഹമ്മദ് ഷഖിൽ പത്ത് സുഹൃത്തുക്കൾക്കൊപ്പമാണ് വിജയം പങ്കിട്ടത്. ഏപ്രിൽ മാസത്തിൽ കൂടുതൽ വലിയ സമ്മാനങ്ങളാണ് ബിഗ് ടിക്കറ്റ് വാഗ്ദാനം ചെയ്യുന്നത്. 25 മില്യൺ ദിർഹത്തിന്റെ ഗ്രാൻഡ് പ്രൈസിന് പുറമെ അഞ്ച് പേർക്ക് ഓരോ മില്യൺ ദിർഹം വീതം ലഭിക്കാനുള്ള അവസരവുമുണ്ട്. കൂടാതെ മെയ്, ജൂൺ മാസങ്ങളിലായി ലാൻഡ് റോവർ ഡിഫൻഡർ, റേഞ്ച് റോവർ വെലാർ എന്നീ ആഡംബര കാറുകളും വിജയികളെ കാത്തിരിക്കുന്നു.
About The Author
