Mr X Trailer Out Shock
തമിഴ് സൂപ്പർതാരം ആര്യ, ശരത് കുമാർ, ഗൗതം കാർത്തിക്, മഞ്ജു വാര്യർ എന്നിവരെ പ്രധാന കഥാപാത്രങ്ങളാക്കി മനു ആനന്ദ് സംവിധാനം ചെയ്യുന്ന ബിഗ് ബജറ്റ് സ്പൈ ആക്ഷൻ ത്രില്ലർ ‘മിസ്റ്റർ എക്സ്’-ന്റെ ഒഫീഷ്യൽ ട്രെയിലർ പുറത്തിറങ്ങി. വിഷ്ണു വിശാൽ നായകനായ ഹിറ്റ് ചിത്രം ‘എഫ്ഐആറി’നു ശേഷം മനു ആനന്ദ് ഒരുക്കുന്ന ഈ ചിത്രം, ഇന്റലിജൻസ് ലോകത്തിലെ നിഗൂഡമായ പ്രവർത്തനങ്ങളും രാജ്യത്തെ ഭീഷണിപ്പെടുത്തിയ അഞ്ച് പ്രധാന സംഭവങ്ങളെ ഏജൻസികൾ എങ്ങനെ പ്രതിരോധിച്ചു എന്നതുമാണ് പ്രമേയമാക്കിയിരിക്കുന്നത്. ഏപ്രിൽ പതിനേഴിന് കേരളത്തിലെ തിയേറ്ററുകളിൽ പ്രദർശനത്തിനെത്തുന്ന ഈ ചിത്രത്തിൽ അതുല്യ രവി, അനഘ, റൈസ വിൽസൺ എന്നിവരും സുപ്രധാന വേഷങ്ങളിൽ എത്തുന്നുണ്ട്. അരുൺ വിൻസന്റ് ഛായാഗ്രഹണം നിർവ്വഹിച്ച സിനിമയുടെ ചിത്രീകരണം രാജസ്ഥാൻ, ഹോസൂർ, ചെന്നൈ, മൈസൂർ, തൂത്തുക്കുടി, അസർബൈജാൻ തുടങ്ങിയ വിദേശ-സ്വദേശ ലൊക്കേഷനുകളിലായിട്ടാണ് പൂർത്തിയാക്കിയത്.
മവെറിക് മൂവീസ്, പ്രിൻസ് പിക്ചേഴ്സ് എന്നീ ബാനറുകളിൽ വിനീറ്റ് ജെയിനും എസ്. ലക്ഷ്മൺ കുമാറും ചേർന്നാണ് ഈ ചിത്രം നിർമിച്ചിരിക്കുന്നത്. സിനിമയുടെ അണിയറയിൽ മികച്ച സാങ്കേതിക പ്രവർത്തകരാണ് അണിനിരക്കുന്നത്; ദിപു നൈനാൻ തോമസ് സംഗീതവും, പ്രസന്ന ജി.കെ എഡിറ്റിംഗും നിർവ്വഹിക്കുന്നു. സ്റ്റണ്ട് സിൽവ ഒരുക്കുന്ന ആക്ഷൻ രംഗങ്ങളും ഇന്ദുലാൽ കവീദിന്റെ ആർട്ട് വർക്കുകളും ചിത്രത്തിന്റെ ഹൈലൈറ്റാണ്. ശ്രാവന്ദി സൈനാധ് എക്സിക്യൂട്ടീവ് പ്രൊഡ്യൂസറായും ഉത്തരാ മേനോൻ, ദീപാലി നൂർ എന്നിവർ കോസ്റ്റ്യൂം ഡിസൈനർമാരായും പ്രവർത്തിക്കുന്നു. കേരളത്തിൽ എ.എസ് ദിനേശ്, മനു ശിവൻ എന്നിവരാണ് വാർത്താ പ്രചരണം നിർവ്വഹിക്കുന്നത്. ഒരു ഹൈ-വോൾട്ടേജ് സ്പൈ ത്രില്ലറിനായി കാത്തിരിക്കുന്ന സിനിമാ പ്രേമികൾക്ക് ‘മിസ്റ്റർ എക്സ്’ മികച്ചൊരു ദൃശ്യവിരുന്നായിരിക്കുമെന്ന് ട്രെയിലർ ഉറപ്പുനൽകുന്നു.
#MrX #Arya #ManjuWarrier #ManuAnand #Sarathkumar #GauthamKarthik #MrXTrailer #SpyThriller #TamilCinema #ActionMovie #April17Release #CinemaNews
About The Author
