KKRTC Bus Suspension after driver operated bus using mobile torch light
KKRTC Bus Suspension സംഭവത്തിൽ പൊതുഗതാഗത സുരക്ഷ വീണ്ടും ചർച്ചയാകുകയാണ്. വൈറലായ ദൃശ്യങ്ങൾക്ക് പിന്നാലെ കോർപ്പറേഷൻ കർശന നടപടി സ്വീകരിച്ചതോടെ വിഷയത്തിൽ വിശദമായ അന്വേഷണം പുരോഗമിക്കുകയാണ്.
സുരക്ഷാ വീഴ്ചയിൽ നടപടി ശക്തമാക്കി | KKRTC Bus Suspension
#KKRTC #KarnatakaNews #ViralVideo #BusDriver #Suspended #RoadSafety #PublicTransport #Negligence #BreakingNews
ഹെഡ്ലൈറ്റ് കത്താത്തതിനെത്തുടർന്ന് യാത്രക്കാരുടെ ജീവൻ പണയപ്പെടുത്തി മൊബൈൽ ഫോൺ ടോർച്ചിന്റെ വെളിച്ചത്തിൽ സർവീസ് നടത്തിയ ബസ് ഡ്രൈവറെ കല്യാണ കർണാടക റോഡ് ട്രാൻസ്പോർട്ട് കോർപ്പറേഷൻ (കെ.കെ.ആർ.ടി.സി) സസ്പെൻഡ് ചെയ്തു. ഡ്രൈവർ ആകാശിന് പുറമെ, ബസ് യഥാസമയം പരിശോധിച്ച് അറ്റകുറ്റപ്പണി നടത്തുന്നതിൽ കടുത്ത വീഴ്ച വരുത്തിയ ഡിപ്പോയിലെ സാങ്കേതിക വിഭാഗം സൂപ്പർവൈസർ ബസവരാജ്, മെക്കാനിക്ക് ശിവാനന്ദ് എന്നിവരെയും കോർപ്പറേഷൻ ഒപ്പം സസ്പെൻഡ് ചെയ്തിട്ടുണ്ട്. കഴിഞ്ഞദിവസം കലിബുർഗയിൽ നിന്ന് ചിഞ്ചോളിയിലേക്ക് യാത്രക്കാരുമായി പോയ കെ.കെ.ആർ.ടി.സി ബസിലാണ് ഈ വൻ സുരക്ഷാവീഴ്ചയുണ്ടായത്. കനത്ത ഇരുട്ടുള്ള സമയത്ത് റോഡിൽ നല്ല തിരക്കുണ്ടായിരുന്നിട്ടും ഹെഡ്ലൈറ്റില്ലാതെ മുന്നോട്ടുപോകുന്നത് അസാദ്ധ്യമായിട്ടും സർവീസ് നിർത്താൻ ഡ്രൈവർ തയ്യാറായില്ല. തുടർന്ന് കണ്ടക്ടർ മൊബൈൽ ഫോണിലെ ടോർച്ച് തെളിച്ചുകൊടുക്കുകയും ആ മങ്ങിയ വെളിച്ചത്തിൽ ഡ്രൈവർ ബസ് മുന്നോട്ട് എടുക്കുകയുമായിരുന്നു.
ബസിനുള്ളിലെ ഭീതിജനകമായ ഈ സാഹസിക യാത്ര യാത്രക്കാരിലാരോ മൊബൈലിൽ പകർത്തി സോഷ്യൽ മീഡിയയിൽ പങ്കുവെച്ചതോടെയാണ് സംഭവം പുറംലോകമറിഞ്ഞതും ദൃശ്യങ്ങൾ അതിവേഗം വൈറലായതും. പൊതുജനങ്ങളുടെയും യാത്രക്കാരുടെയോ ജീവന് യാതൊരു വിലയും കൽപ്പിക്കാതെയുള്ള ജീവനക്കാരുടെ ഈ അപകടകരമായ നീക്കത്തിനെതിരെ സോഷ്യൽ മീഡിയയിൽ കടുത്ത വിമർശനമാണ് ഉയർന്നത്. ഇതേത്തുടർന്നാണ് ട്രാൻസ്പോർട്ട് കോർപ്പറേഷൻ അധികൃതർ അടിയന്തരമായി ഇടപെട്ട് ജീവനക്കാർക്കെതിരെ കർശന നടപടി സ്വീകരിച്ചത്. വിവാദമായ ഈ ബസിന്റെ ഹെഡ്ലൈറ്റ് കഴിഞ്ഞ പതിനഞ്ചു ദിവസത്തോളമായി പൊട്ടിയ നിലയിലായിരുന്നിട്ടും ഡിപ്പോ അധികൃതർ ഇത് നന്നാക്കാൻ കൂട്ടാക്കിയില്ലെന്നാണ് യാത്രക്കാർ പറയുന്നത്. പ്രാഥമിക അന്വേഷണത്തിൽ ഇക്കാര്യം വ്യക്തമായതോടെയാണ് കോർപ്പറേഷൻ നടപടി കടുപ്പിച്ചത്. സംഭവത്തിൽ വിശദമായ അന്വേഷണ റിപ്പോർട്ട് പുറത്തുവന്നതിനുശേഷം ഇവർക്കെതിരെ കൂടുതൽ വകുപ്പുതല നടപടികൾ ഉണ്ടായേക്കുമെന്നാണ് സൂചന.
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക് Kalyana Karnataka Road Transport Corporation (KKRTC) സന്ദർശിക്കാം.
വാർത്തകൾ ഇനി ഇൻസ്റ്റഗ്രാമിലും, ക്ലിക്ക് ചെയ്യുക
കൂടുതൽ വാർത്തകൾക്ക് Media7News സന്ദർശിക്കൂ
About The Author
