Pune Murder Case accused Siya Goyal during police evidence reconstruction
Pune Murder Case അന്വേഷണത്തിനിടെ പുറത്തുവന്ന പുതിയ ദൃശ്യങ്ങൾ കേസിനെ ചുറ്റിപ്പറ്റിയ വിവാദം കൂടുതൽ ശക്തമാക്കുകയാണ്. തെളിവെടുപ്പിനിടെ നടന്ന സംഭവമാണ് ഇപ്പോൾ വ്യാപക ശ്രദ്ധ നേടുന്നത്.
തെളിവെടുപ്പിൽ വിവാദ ദൃശ്യങ്ങൾ | Pune Murder Case
പൂനെ: മഹാരാഷ്ട്രയിലെ ലonavാലയ്ക്ക് സമീപമുള്ള ലോഹഗഡ് കോട്ടയിൽ വെച്ച് പ്രതിശ്രുത വരനെ കൊക്കയിലേക്ക് തള്ളിവിട്ട് കൊലപ്പെടുത്തിയ കേസിന്റെ തെളിവെടുപ്പിനിടെ ഒന്നാം പ്രതി സിയ ഗോയൽ മാദ്ധ്യമങ്ങൾക്ക് നേരെ അശ്ലീല ആംഗ്യം കാണിച്ചത് വലിയ വിവാദമാകുന്നു. പൂനെയിലെ പ്രമുഖ വ്യവസായിയുടെ മകനായ കേതൻ അഗർവാളിനെ (25) കൊലപ്പെടുത്തിയ കേസിൽ അന്വേഷണം പുരോഗമിക്കുന്നതിനിടെയാണ് നാടകീയ രംഗങ്ങൾ അരങ്ങേറിയത്. പൊലീസ് സംഘം സിയയെ ലോഹഗഡ് കോട്ടയിലെത്തിച്ച് കൊലപാതകം ആസൂത്രണം ചെയ്ത രീതി പുനരാവിഷ്കരിക്കുകയും തുടർന്ന് കോടതിയിൽ ഹാജരാക്കാൻ കൊണ്ടുപോകുകയും ചെയ്യുന്നതിനിടയിലാണ് കാമറകൾക്ക് നേരെ യുവതി നടുവിരൽ ഉയർത്തി അശ്ലീല ആംഗ്യം കാണിച്ചത്. കൊടും ക്രൂരത ചെയ്തിട്ടും പ്രതിക്ക് യാതൊരുവിധ പശ്ചാത്താപവുമില്ലെന്ന് വ്യക്തമാക്കുന്നതാണ് ഈ ദൃശ്യങ്ങളെന്ന് മാദ്ധ്യമങ്ങളും പൊതുജനങ്ങളും വിമർശിക്കുന്നു.
കഴിഞ്ഞ ജൂൺ 18-നാണ് ചരിത്രപ്രസിദ്ധമായ ലോഹഗഡ് കോട്ടയിൽ വെച്ച് കേതൻ അഗർവാൾ കൊല്ലപ്പെടുന്നത്. കാമുകനായ ചേതൻ ചൗധരിയുമായി ചേർന്ന് സിയ ഗോയൽ നടത്തിയ ആസൂത്രിത കൊലപാതകമായിരുന്നു ഇത്. തുടക്കത്തിൽ ഇതൊരു അപകട മരണമാണെന്ന് വരുത്തിതീർക്കാൻ സിയ ശ്രമിച്ചിരുന്നെങ്കിലും, പൊലീസിന്റെ ശാസ്ത്രീയമായ അന്വേഷണത്തിലാണ് കൊടുംക്രൂരതയുടെ ചുരുളഴിഞ്ഞത്. കോട്ടയുടെ മുകളിൽ വെച്ച് ഷൂസിന്റെ വള്ളി കെട്ടാനെന്ന വ്യാജേന സിയ താഴേക്ക് ഇരുന്നതാണ് കാമുകന് കേതനെ തള്ളിവിടാനുള്ള സിഗ്നലായി നിശ്ചയിച്ചിരുന്നത്. കേതൻ താഴേക്ക് വീഴുന്നതിനിടെ സിയയെ പിടിച്ച് വലിക്കാതിരിക്കാനാണ് ഇത്തരമൊരു തന്ത്രം പ്രയോഗിച്ചതെന്ന് പൊലീസ് കണ്ടെത്തിയിരുന്നു. സംഭവത്തിന് മുൻപ് ഇരുവരും കൊലപാതകം എങ്ങനെ നടത്തണമെന്ന് കൃത്യമായി റിഹേഴ്സൽ നടത്തിയിരുന്നതായും ഗൂഗിളിൽ തിരഞ്ഞിരുന്നതായും അന്വേഷണത്തിൽ തെളിഞ്ഞിട്ടുണ്ട്.
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക് Maharashtra Police സന്ദർശിക്കാം.
വാർത്തകൾ ഇനി ഇൻസ്റ്റഗ്രാമിലും, ക്ലിക്ക് ചെയ്യുക
കൂടുതൽ വാർത്തകൾക്ക് Media7News സന്ദർശിക്കൂ
About The Author
